Iyi ntsinzi yayifashije kugera ku bitego 100 bamaze gutsinda muri shampiyona kuva uyu mwaka watangira, ihita iba ikipe ya mbere yongeye kugera kuri uwo mubare kuva mu mwaka wa 2018.
Barcelona yabiherukaga ikiyobowe na Lionel Messi, wari kapiteni w’iyi kipe icyo gihe, aho basoje umwaka batsinze ibitego 102.
Ibi bigaragaza ko n’ikipe y’ubu ikomeje kwiyandikira amateka yayo bwite, ikomeza gusigasira umuco wo gutsinda ibitego byinshi.
Umurongo w’ubusatirizi wa Barcelona ugizwe na Lamine Yamal, Raphinha na Robert Lewandowski wakomeje kuba ikibazo gikomeye ku makipe bahanganye, aho uri gufasha iyi kipe kwegera agahigo k’amateka kari karashyizweho na Messi afatanyije na Luis Suárez na Ousmane Dembélé. Kuri ubu, hasigaye ibitego bitatu gusa ngo Barcelona ikureho ako gahigo.
Barcelona isigaje imikino ibiri gusa isoza uyu mwaka, aho uwa mbere uzaba uwo mu muri Copa del Rey, aho izahura na Guadalajara, mu gihe izasoza umwaka ikina umukino wa La Liga izahuramo na Villarreal ku wa 21 Ukuboza.
