Sylvester Stallone na Arnold Schwarzenegger nyuma na nyuma bavuze ku bijyanye no guhangana kwabo mu myaka ya za 80 ndetse n'umwe muri bo wagaragaye nk'intwari mu ruganda rwa sinema , nk'uko byatangajwe na Entertainment Weekly.
Arnold Schwarzenegger ni umwe mu bakinnyi ba firime wakunzwe kubera imbaraga yabaga afite ku rugamba
Muri firime ya Netflix ivuga ku buzima bwa Schwarzenegger, yise "Arnold", Stallone w’imyaka 76, yemeye ko abona Schwarzenegger ari we cyamamare muri bo. Stallone yabisobanuye agira ati: "Kugeza mu myaka ya za 80, filime z’imirwano(action movies) zari zishingiye ku bwenge no kungurana ibitekerezo. Ariko hamwe na firime “First Blood” mu 1982, intumbero yabaye imbaraga z'umubiri. Nabonye amahirwe kuko ntawundi wabikoraga, usibye undi musore ukomoka muri Austria udakeneye kuvuga byinshi."
Schwarzenegger, ufite imyaka 75, yemeye ko Stallone yatsinze kandi agaragaza ko byamuteye gukora cyane. Ati: "Igihe cyose yasohoraga filime nka “Rambo II”, nagombaga gushaka uburyo bwo kumurengaho. Igihe umwuga wabo wakomeraga, Stallone yamenye ko Schwarzenegger yabaye mukeba we ukomeye. "Twabaye abanywanyi bashoboye. Twari dufite umwanya umwe gusa muri twe."
Stallone yemeye ko Schwarzenegger yari hejuru, hamwe n'imbaraga byasobanuraga imico ye. Hagati aho, Stallone yakundaga kwisanga nk'umukinnyi muto, ahora arwanira kubaho. No mu buzima busanzwe, aho Stallone yagize ati: "Ntabwo twashoboraga no kuba mu cyumba kimwe. Abantu bagombaga kudutandukanya."
Mu gusoza, Stallone yemeye ko Schwarzenegger yaje ku isonga. Ati:"Yashakaga kuba uwambere, kandi ikibabaje ni uko yabigezeho."
Schwarzenegger yemeye ingaruka Stallone yagize ku gukomera kwe. Ati:"Iyo bitaba Stallone, nshobora kuba ntari kugera ku byo nagezeho. Ndi umuntu uhiganwa."
Sylvester Stallone yemeye ko Arnold Schwarzenegger yari arenze mu ruganda rwa sinema
Nubwo bahanganye, bombi babaye inshuti kandi bagaragara hamwe muri firime nyinshi, bikemura amakimbirane hagati yabo. Imyaka ya za 80 ishobora kuba yararanzwe no guhatana gukomeye, ariko uyu munsi, Stallone na Schwarzenegger bahagaze nk'abanyabigwi mu bwoko bwa firime z'imirwanire, buriwese akaba yarasize amateka atazibagirana muri Hollywood.
