Kuri uyu wa 20 Mutarama 2025 nibwo Donald Trump arahirira kuba Perezida wa 47 wa Leta Zunze Ubumwe z'Amerika mu muhango witabirwa n'abantu mbarwa.
Ni umuhango ubera mu Ngoro y'Inteko Ishinga Amategeko ya Amerika Capitol, aho mu muco w'Abanyamerika mu irahira badatumira abashyitsi benshi b'Abanyamahanga.
Nubwo bimeze gutyo Trump hari bamwe yatumiye biganjemo abayobozi ba kompanyi zikomeye mu bucurizi ku Isi.
Nk'uko CBS News dukesha iyi nkuru ibyandika, mu banyemari baritabira baraba bayobowe na Elon Musk wa Tesla, Mark Zuckerberg wa Meta.
Barimo Jeff Bezos wa Amazon, Tim Cook wa Apple, Shou Chew wa TikTok, Sundar Pichai wa Google n'abandi.
Abanyapolitike bo muri Amerika bitabira barimo:Bill Clinton, George W. Bush, Barack Obama, Kamala Harris na Joe Biden.
Abo hanze y'Igihugu barimo Perezida wa Argentina Javier Milei, Minisitiri w'Intebe w'Ubutaliyani Giorgia Meloni, Visi Perezida w'Ubushinwa Han Zheng n'abandi.
Abategetsi bakomeye batatumiwe barimo Perezida w'u Bufaransa, ba Minisitiri b'Intebe mu Bwongereza no mu Budage ndetse n'abandi.
