Umunsi wa 446 Ukraine ishyigikiwe n'uburengerazuba bw'Isi mu ntambara irwanamo n'u Burusiya, wasize Abanya-Ukraine mu bwoba bukabije bw'ibiturika mu murwa mukuru wabo Kyiv.
The Guardian y'Abongereza yanditse ko mu joro ryacyeye ibitero by'u Burusiya byibasiye ibice bitandukanye bya Kyiv kuburyo ari cyo gitero gikomeye kuva uyu mwaka utangiye cyibasiye uyu mugi.
Valerii Zaluzhnyi umugaba w'ingabo muri Ukraine yatangaje ubwirinzi bwo mu kirere bwahanuye misile 18 z'u Burusiya muri iri joro.
Ntibyari byoroshye mu ijoro ryahise muri Ukraine
Byatangajwe ko u Burusiya bwarashe misile 6 zihuta kuruta ijwi za hypersonic Kinzhal missiles.
Ukraine yavuze ko kandi yahanuye misile 9 za cruise, misile 3 za ballistic ndetse na drone 6 zitagira abapirote.
Nyuma y'iki gitero, Vitaliy Klitschko Meya wa Kyiv, yatangaje ko abantu batatu bahasize ubuzima mu Karere ka Solomyan ndetse n'ibinyabiziga byinshi biratwikwa.
Ibitero byo kuri uyu wa mbere by'Abarusiya, CNN yatangaje ko byangije misile z'ubwirinzi z'Abanyamerika za Patriots bahaye Ukraine.
Moscow imaze igihe ikoresha misile za hypersonic Kinzhal kugira ngo zishwanyaguze izi misile za Patriots Amerika yahaye Ukraine. Bikaba bivugwa ko Ukraine yahawe ebyiri zose.
Mu gihe intambara igeze ku munsi wa 447, u Bwongereza bwongeye kwiyemeza koherereza intwaro nyinshi Ukraine harimo drone ndetse n'ubundi bwirinzi bwo mu kirere nk'uko The Guardian yabitangaje.
