Ibirwa bya Marshall ni igihugu giherereye ku mugabane wa Oceania kigizwe n'ibirwa, kikaba gifite imirwa mikuru ibiri, uwitwa Majuro na Delap-Uliga-Djarrit.
Ibarura riheruka gukorwa mu 2021 ryagaragaje ko muri uwo mwaka iki gihugu cyari gituwe n'abaturage ibihumbi 42,050.
Kimwe mu byo ibi birwa bizwiho mu mateka nuko mu gihe cy'intambara y'isi ya kabiri, byari biri mu maboko ya Leta zunze ubumwe za Amerika aho hakoreshwaga mu gusuzuma ibitwaro kirimbuzi, mu 1986 akaba aribwo cyabaye igihugu gifite ubuyobozi.
Kuri ubu iki nicyo gihugu cyonyine ku isi kidafite ikipe y'igihugu, ariko ubuyobozi buvuga ko vuba nabo baraza kuba bafite ikipe y'igihugu bitar kandi kugira ngo bayigire gusa ahubwo izaba igiye guhatana.
Ibi biherutse kwemezwa n'umwongereza witwa Llyod Owers uherutse guhabwa akazi ko kuba diregiteri wa tekiniki muri iki gihugu, akaba ari mu bayoboye umushinga wo gushyiraho iyi kipe y'igihugu.
Abari ku ruhembe rwo gushinga iyi kipe y'igihugu bizeye ko mu 2024 umugambi uzashyirwa mu bikorwa, bakaba baranamaze gukora imyenda izambarwa n'iyi kipe ku mukino wayo wa mbere izakina.
Umwenda byitezwe ko uzambarwa n'ikipe y'igihugu y'Ibirwa bya Marshall
