Nyuma y'igihe bivugwa ko Paris Saint Germain izatandukana n'umunya-Argentine wari umaze umwaka ayitoza, kuri uyu wa Kabiri byabaye impamo Mauricio Pochettino yerekwa umuryango.
Mauricio Pochettino yirukanwe muri PSG(Net-photo)
Mu mwaka uyu mugabo yari amaze atoza PSG yabashije gutwara igikombe cya shampiyona ya Ligue 1 yanikiriye ikipe ya Marseille yasoje ku mwanya wa kabiri, ariko aviramo muri ⅛ cya UEFA Champions league asebeye imbere ya Real Madrid yari yatsinze mu mukino ubanza.
Ikipe ya PSG kandi nk'uko byari bimaze iminsi bivugwa yahise isinyisha umufaransa Christophe Galtier watozaga ikipe ya Nice mu mwaka ushize w'imikino.
Christophe Galtier niwe ugiye gutoza PSG(Net-photo)
Uyu mugabo nta bigwi bikomeye cyane azwiho usibye igikombe cya shampiyona ya Ligue 1 yatwaye mu mwaka w'imikino 2020-2021 ari mu ikipe ya Lille.
Gusa uyu mugabo mu mwaka umwe yari amaze muri Nice yayifashije gusoza shampiyona wa gatanu muri shampiyona ya Ligue 1.
