Ibiro bya Perezida wa Afurika y'Epfo byatangaje ko ba Perezida Cyril Ramaphosa w'icyo gihugu na Paul Kagame w'u Rwanda baganiriye kuri telephone ku buryo ibintu byifashe mu burasirazuba bwa DR Congo.
Afurika y'Epfo yapfushije abasirikare bagera ku 9 mu mirwano yabaye ku wa gatanu no ku wa gatandatu w'icyumweru gishize hafi ya Goma, ibyateye uburakari mu gihugu cyabo n'igitutu cy'abatavuga rumwe na leta.
Ibiro bya Ramaphosa bivuga ko we na Perezida Kagame "bumvikanye ko hakenewe byihutirwa agahenge no kongera gutangira kw'ibiganiro by'amahoro hagati y'impande zose zishyamiranye".
Nubwo impande zombi zumvikanye agahenge, Leta ya Kinshasa yahakanye ko itazigera ijya mu biganiro n'umutwe wa M23 ivuga ko ukoreshwa n'u Rwanda, ibyo ubutegetsi bw'u Rwanda bwakomeje guhakana.
Kugera magingo aya imirwano irakomeje mu mjyi wa Goma aho M23 ishaka kugenzura uyu mujyi mu buryo bwuzuye mu gihe FARDC nayo ishaka kwirukana uyu mutwe.
