Mu gitondo cyo kuri uyu wa Gatandatu imirwano yakamejeje muri DR-Congo hagati ya M23 na FARDC muri Terirwari ya Nyiragongo mu gace ka Kibumba. Umuvugizi wa M23 mu bya Politike Lawrence Kanyuka niwe wemeje amakuru yiyi mirwano mu gitondo cya none.
Uyu muyobozi yavuze ko ari ibitero byatangijwe n'ingabo za Leta FARDC hamwe n'abafatanyabikorwa babo barimo ingabo z'Uburundi, abarwanyi ba Wazalendo, ingabo za SADC ndetse n'Ingabo za Loni ziri mu butumwa bw'amaharo MONUSCO.
Ntabwo ari Kanyuka wemeje iyi mirwano gusa, kuko umuvugizi wa M23 mu bya gisirikare Lt Col Willy Ngoma yaciye kuri X nawe yemeza ko Ihuriro ry'ingabo za Leta bari kugaba ibitero mu Majyaruguru no mu Majyepfo ya Goma, ndetse yunga no mu rya Kanyuka ko Kibumba iri kuraswaho.
Imirwano yo kuri uyu wa Gatandatu, ije ikurikira indi yabaye kuri uyu wa Gatanu i Masisi aho abarwanyi ba M23 barwanye bafata ibice birimo Kirumbu, Gyagoro na Kalengera. Abarwanyi ba M23 buri gihe bavuga ko barwana barinda abaturage ibitero by'ingabo za Leta.
