Kevin Spacey, ku isabukuru y'imyaka 64 y'amavuko, yahamijwe n’ubucamaza bwa Amerika ibyaha icyenda ashinjwa byo gusambanya ku gahato, no gutuma umuntu yishora mu mibonano mpuzabitsina. Nyuma y'ibyumweru bine n'igice baburanishijwe mu rukiko rwa Crown Southwark i Londres, Spacey yarize amarira aramurenga, ubwo hatangazwaga imyanzuro.
Kevin Spacey amarira yamurenze nyuma yo kugirwa umwere
Mu ijambo yatangarije abanyamakuru, Spacey yashimiye inteko y'abacamanza ati: "Ndatekereza ko benshi muri mwe barabyumva ko hari byinshi byo gutunganya nyuma y'ibyabaye uyu munsi. Ariko ndashaka kuvuga ko nshimira byimazeyo abagize inteko y'abacamanza, yafashe umwanya wo gusuzuma ibimenyetso byose n'ibyabaye byose bitonze mbere yuko bafata umwanzuro. Kandi nshimishijwe n’imyanzuro y'uyu munsi."
Mu gihe cy’iburanisha, inteko y'abacamanza yumvise abagabo bane batanze ikirego kuri uyu mukinnyi, ariko buri kirego ntabwo cyateshejwe agaciro n’abacamanza.
Hari ikirego cyerekeranye n’ibitekerezo by’ubusambanyi byabereye mu birori byo mu 2005, ariko Spacey yahakanye ko atigeze abonana n’umushinja muri ibyo birori. Ikindi kirego gikomeye cyane cyavugaga ko Spacey yakoze imibonano mpuzabitsina mu kanwa ku mugabo mu 2008, mu gihe yari yataye ubwenge. Spacey yavuze ko guhura kwabo byumvikanyweho kandi atanga inyandiko za terefone zivuguruza amagambo y'umurega.
Ikirego cya kane cyavugaga ku birori byo mu nzu ikodeshwa ya Spacey, aho bivugwa ko na ho yashatse gukoresha umuntu imibonano mpuzabitsina. Icyakora, Spacey yahakanye iri hohoterwa rishingiye ku gitsina, ariko avuga ko ari ubusinzi bwabiteye, nyuma asaba imbabazi.
Kevin Spacey yahanaguweho ibyaha icyenda, byatangiye ari 12
Mu ntangiriro, Spacey yashinjwaga ibirego 12, ariko byaragabanyijwe bigera ku icyenda. Iki cyemezo kigaragaza indi ntsinzi kuri Spacey, kuko mbere yatsindiye miliyoni 40 z'amadolari y'abanyamerika yazanwe n’umukinnyi wa firime Anthony Rapp, wamushinjaga icyaha cyo gukomeretsa mu gihe k'imibonano mpuzabitsina mu 1986. Inteko y'abacamanza i New York yatesheje agaciro ikirego cya Rapp mu Kwakira gushize.
Nubwo yagiye anengwa ndetse akaba mu manza z'urudaca, Spacey yahanaguweho ibyaha byose mu rubanza rwo mu Bwongereza.
