Amakuru mashya! Ole Gunnar Solskjaer wagoragojwe akinanirwa yirukanwe

Amakuru mashya! Ole Gunnar Solskjaer wagoragojwe akinanirwa yirukanwe

Fabrice NDAYISHIMIYE Fabrice NDAYISHIMIYE  Nov 21, 2021 - 07:48

Manchester United yemeje ko yatandukanye n'uwari umutoza wayo Ole Gunnar Solskjaer.

Ubu ikipe ya Manchester United yamaze gukora icyo abafana bayo bifuzaga aricyo kwirukana Ole Gunnar Solskjaer wari umutoza wayo kuva mu 2018.

Wa mutoza byacanze wa Manchester Ole Gunner Solskjær yirukanwe

Ole Gunnar Solskjaer yafashe ikipe ya Manchester United mu 2018 nyuma y'uko Jose Mourinho wayitozaga yari amaze kwirukanwa nyuma yo gutsindwa na Liverpool ndetse amaze igihe adatanga umusaruro yifuzwagaho.

Ole Gunnar Solskjaer yafashe ikipe nk'umutoza w'umusigire bateganya gushaka undi mutoza ariko nyuma yo kubona ko atanga icyizere cyo kuba umutoza mwiza yahise ahabwa amasezerano aba umutoza mukuru bitari iby'agateganyo.

Ole Gunnar Solskjaer wamaze kwirukanwa(Image:The sun)

Ole Gunnar Solskjser yari afite amasezerano yo kugeza muri 2024 kuko yari aherutse kongerwa amasezerano mbere y'uko uyu mwaka w'imikino urangira ndetse bitashimishije abafana benshi b'iyi kipe ya Manchester United.

Ole Gunnar Solskjaer noneho ashobora kwirukanwa

Ole Gunnar Solskjaer mbere yo gutoza Manchester United nkuru yabanje gutoza abana bayo hagati ya 2008-2011 ndetse yerekeza muri Molde mu 2011 aho yayivuyemo mu 2014 yerekeza muri Cardiff ariko mu 2015 ahita asubira muri Molde. Molde niyo yavuyemo mu 2018 ajya muri Manchester United.

Zidane yaciye amarenga yo gutoza Manchester United

Manchester United ayivuyemo nta gikombe na kimwe ayihesheje n'ubwo hari aho yageze ku mikino ya nyuma nko mu mwaka ushize ubwo yatsindwaga na Villarreal ku mukino wa nyuma wa Europa Leagu kuri penalti.

Zidane niyinjira muri Manchester United ni inkuru nziza kuri Pep Guardiola

Igikurikira ni ukumenya umutoza mushya wa Manchester United dore ko hari kuvugwa abatoza benshi barangajwe imbere na Brendan Rodgers utoza Leicester City wanatoje Liverpool ndetse hakanavugwa na Zinedine Zidane uherutse gutandukana na Real Madrid.

Na Laurent Blanc watoje ikipe ya PSG akomeje kuvugwa.Ubu ari gutoza mu gihugu cya Qatar.