Ibinyijuje kuri Twitter yayo, Umuyobozi w'ikigo gishinzwe ubuzima mu Rwanda (RBC) Dr Sabin Nsanzimana yasobanuye ko hari abantu 400 bari barikingije ariko bagaragayeho ubwandu. Aha niho bahera basaba buri wese kutadohoka ku mabwiriza yo kwirinda.
Ubwandu bwagaragaye ku itariki 16 Kamena
Minisiteri y’Ubuzima yatangaje ko abantu bane, barimo abagabo babiri n’abagore babiri, bitabye Imana bazize icyorezo cya Covid-19, bituma umubare w’abamaze guhitanwa n’iki cyorezo ugera kuri 376.
Abitabye Imana ni umugore w’i Kigali w’imyaka 76 n’undi w’imyaka 73 w’i Huye ndetse n’umugabo w’imyaka 59 n’undi w’imyaka 48 b’i Kigali.
Abanduye iki cyorezo ni abantu 263 mu bipimo 5 676 byafashe, bituma umubare w’abamaze kwandura ugera ku 29 175, mu bipimo 1 522 174 bimaze gufatwa kuva iki cyorezo cyagera mu Rwanda.
