Tariki ya 16 Ukwakira 2024, nibwo ku Isi hose hasakaye inkuru y'akababaro ko umuhanzi Liam Payne umwe mu bari bagize itsinda rya One Direction yitabye Imana ahanutse muri hoteli yari acumbitsemo muri Argentina.
Liam Payne yari acumbitse muri hoteli yitwa CasaSur Palermo Hotel mu murwa mukuru wa Argentina Buenos Aires, aho yahanutse ku igorofa rya Gatatu aciye ku ibaraza ryari iruhande rw'icyumba yari acumbitsemo.
Guhera yakwitaba Imana, raporo nyinshi zemeza ko yapfuye nyuma y'uko yari yafashe ibiyobyabwenge bigatuma ateza akavuyo kuri hoteli bamufungirana mu cyumba cye kugira ngo ntiyongere guteza akavuyo.
Ubwo abakozi ba hoteli bari bagiye gusukura mu cyumba cye, yanze ko binjiramo ariko nabo bajya kuzana urufunguzo rugoboka aho byananiranye (master key).
Nyamra uyu umusore we yahise asohoka ashaka gusimbuka ku igorofa ngo angwe mu busitani agende ntiyongere gufungirwa mu cyumba.
TMZ itangaza ko yabonye amashuhso yafashwe mbere y'uko musore yitaba Imana, aho umwe mu bakozi ba hoteli yahamagaye polisi avuga ko Payne yahanutse ku igorofa batazi niba ari muzima.
Ibizamini bya muganga byemeje ko uyu musore w'imyaka 31 yapfuye yishwe n'ibikomere nyuma yo kwitura hasi, na nyuma y'uko yari yaviriye imbere mu mubiri. Payne yashyinguwe ku wa 20 Ugushyingo 2024 iwabo mu Bwongereza.
