Uru rubuga rwa Netflix, ruzwiho gucuruza amashusho y'ibintu bitandukanye, rwumvikanye n'uyu muryango w'i Bwami mu Bwongereza ko ruzacuruza amashusho y'ikegerenyo kigaragaza ubuzima nyabami nyuma hibandwa ku myaka 30 izaba ishize ubwo Diana yasigaga ubuzima mu mpanuka y'imodoka yabereye i Paris mu Bufaransa mu ijoro ryo ku wa 31 Kanama mu mwaka wa 1997.
Ni nyuma y'uko ku wa 11 Kanama 2025 Harry na Meghan batangaje ko bamaze kuvugirura amasezerano bari basanzwe bafitanye na Netflix yari kurangira mu mpera z'uyu mwaka. Muri aya masezerano havuguruwemo urutonde rw'ibintu byinshi harimo igice cya kabiri cya 'With Love, Meghan' ndetse na 'Christmas' yasohotse mu Ukuboza k'umwaka ushize.
Hari no gukorwa ikegeranyo kuri 'Masaka Kids, A Rhythm Within' kivuga ku bana bagizwe imfubyi na SIDA/Virus Itera SIDA bo muri Uganda. Iki kegerenyo na cyo kikazaca kuri Netflix.
Prince Harry n'umugore we Meghan Markle bashwanye kenshi n'umuryango w'i Bwami mu Bwongereza kubera bashyize hanze ubuzima bw'u Bwami.
Kuri Dailymail na The Sun batangaza ko Prince Harry ashaka ko iki kereranyo kivuga ku buzima bwa mama we, Diana, cyazasohoka muri 2027 ngo kigasohokera rimwe n'umunsi bazizihirizaho isabukuru y'imyaka 30 mama we, Diana, amaze yitabye Imana mu rwego rwo gukomeza kumwunamira dore ko bimaze kuba umuco.
Si ubwa mbere ibi bigiye kuba kuko Prince Harry amaze kugaragara mu bindi byegeranyo bivuga kuri mama we, Diana. Hari ikibanze ku isabukuru y'imyaka 20 Diana yari amaze yitabye Imana, muri 2017, n'ikindi kitwa 'Diana, 7 Days' kibanze cyane ku rupfu rwa Diana, umuhango wo kumushyingura, n'ingaruka uru rupfu rwagize ku bantu ba hafi y'umuryango we ndetse n'agahinda rwateye muri rubanda muri rusange.
