Abaririmbyikazi bo muri Nigeria, Ayra Starr na Tems byamaze gutangazwa ko ari bo bahanzi bo muri Nigeria bakunzwe cyane kuri Spotify.
Ibyo byamenyekanye ubwo Spotify, urubuga rucuruza umuziki ku isi yose rwashyiraga hanze urutonde rw’indirimbo 30 za mbere zo muri Nigeria zasohotse mugice cya mbere cy’uyu mwaka wa 2024.
Ayra Starr yaje ku mwanya wa mbere abifashijwemo n’indirimbo yakoranye na Rauw Alejandro, 'Santa'.
Si ibyo gusa kandi kuko yaje no ku mwanya wa kabiri abifashijwemo n’indirimbo ye 'Comma', mu gihe Tems yaje umwanya wa gatatu abikesheje indirimbo ye 'Love Me Jeje'.
Indirimbo “Another Vibe ya Luciano na Omah Lay yaje ku mwanya wa kane, mu gihe indirimbo No1 ya Tyla na Tems yakunzwe cyane yaje kumwanya wa gatandatu.
Ku munsi w’ejo ku wa Gatatu, Phiona Okumu, Umuyobozi w’umuziki kuri Spotify muri Afurika yo munsi y’ubutayu bwa Sahara, mu kiganiro yagiranye n’abanyamakuru i Lagos, yasobanuye ko urwo rutonde rygaragaza ko abanya-Nigeria bumvise cyane zo hanze y’igihugu hagati ya Mutarama na 30 Kamena 2024.”
