Umuraperikazi Yung Miami akaba n’uwahoze ari umukunzi wa Diddy yatangaje ko ubwo yari kumwe na Combs atigeze akorerwa ihohoterwa iryo ari ryo ryose.
Yung yabivuze nyuma y’uko hari ibiganiro byinshi kuri interineti bijyanye na videwo ya Diddy imwerekana akubita uwahoze ari umukunzi we Cassie byatumye hari bamwe bifuza ko uyu muraperikazi na we yavuga niba hari ihohoterwa yigeze akorerwa.
Ubwo yari mu kiganiro na Tmz, Yung Miami yavuze ko yari afitanye umubano na Diddy kandi ko atigeze agira ibibazo byo guhohoterwa kandi ko umubano wabo wagize akamaro mu mwuga wabo wa muzika.
Tubibutse ko Yung Miami na Diddy batangiye umubano muri 2012 bagatandukana muri Mata 2023 nyuma yuko Diddy yibarutse umwana nundi mugore, mu gihe bivugwa ko kugeza ubu bombi bivugwa ko ari inshuti gusa zo gufashanya mu bikorwa byabo bisanzwe.
Kugeza ubu, Diddy yarezwe mu manza umunani zitandukanye, inyinshi muri zo zikaba ari iz’ihohoterwa rishingiye ku gitsina, ariko kugeza ubu nta kimenyetso gifatika gifata uyu muhanzi, mu gihe bamwe mu byamamare barimo Suge Knight bavuga ko Diddy ari umukozi wa FBI.
