Yakatiwe nyuma yo koherereza amazirantoki n'inkari ibikomerezwa bya Hollywood

Yakatiwe nyuma yo koherereza amazirantoki n'inkari ibikomerezwa bya Hollywood

Rudahara Avithe Rudahara Avithe  Aug 17, 2023 - 07:52

Ku munsi w'ejo ku wa Gatatu, umugabo wo muri Australia, nyuma yo koherereza umwanda we n’inkari abakinnyi ba Hollywood, Leonardo Di Caprio na Jared Leto, yakatiwe imyaka ibiri yiga ikinyabupfura n’imyitwarire myiza.

Muri Gashyantare, Veronica Gray yohereje udupfunyika tuvuye ku biro by'iposita hirya no hino muri leta ya Australia y'Uburengerazuba, urukiko rwo mu mujyi wa Broome rubivuga, maze ngo iryo bara riza kumenyekana nyuma yuko kamwe mu dupaki kamenetse kakameneka ku mukozi w'iposita.

Ikinyamakuru ABC, cyavuze ko Gray yashyize umwanda we n’inkari imbere mu dupfunyika 23 tw’iposita, tukohererezwa abo yashakaga nk'impano yo ku munsi w'abakundanye.

Amakuru avuga ko uwunganira uyu mugabo w'imyaka 49, yavuze ko atari agamije kubangamira abo bakinnyi, ahubwo ko yashakaga kubasangiza urukundo akunda ibidukikije.

Raporo y’ubuvuzi bwo mu mutwe yagaragajwe mu rukiko, yanagaragaje ko Gray yari afite ikibazo mutwe byagize ingaruka ku myitwarire ye.

ABC ivuga ko umucamanza Deen Potter yavuze ko ibikorwa bya Grey byanagize ingaruka zikomeye ku bikorwa by'iposita.