Umukunzi mushya wa Ariana Grande, biravugwa ko yasabye gatanya n'umukunzi we bakundanye kuva mu bwana bwe.
Byagaragaye vuba aha ko Grande ari mu rukundo na Ethan Slater, banakinana muri filime “Wicked”.
Ethan Slater, uvugwa mu rukundo na Ariana Grande, yatse gatanya n'umugore we
Aya makuru yagaragaye nyuma yuko bitangajwe ko Grande n’umukunzi we Dalton Gomez batandukanye, nubwo aba bombi batarasaba gatanya.
Ibyo ntabwo ari ko bimeze kuri mugenzi we Slater, nkuko TMZ yabitangaje, kuko we yamaze gusaba gatanya n’umugore we Lilly Jay.
Bombi bashyingiranywe mu 2018 nyuma yo guhura bakiri bato, ndetse babyaranye n’umwana umwe.
TMZ ivuga ko nta mpamvu yatanzwe mu mpapuro z'ubutane, ariko bivugwa ko Jay yumva yarahemukiwe kandi ko yababajwe n'ibyabaye.
Nubwo amakuru avuga ko mu ugihe Grande na Slater barushijeho gukundana ubwo bakinaga firime ” Wicked”, ntabwo bigeze basohokana kugeza nyuma yo gutandukana n’abakunzi babo.
Umwe mu ba hafi y’izi mpande zombi yagize ati: "Birumvikana ko amarangamutima ari menshi kandi biragoye kubona uwahoze ari umukunzi wawe ajya mu rukundo, cyane cyane ku karubanda, kandi inshuti ze zigerageza kumurinda, ariko Ariana na Ethan barimo kugerageza gutwara ibintu gake, mu rwego rwo kubaha abahoze ari abakunzi babo.”
Ethan Slater na Ariana Grande urukundo rwabo rwakuriye mu rugendo yagiriye i Londres
Amaso yose azaba ahanzwe Grande na Gomez kugira ngo barebe igihe impapuro zubutane zizatangirwa, mu gihe amakuru avuga ko aba bombi bahanganye kuva muri Mutarama mbere yuko amaherezo batandukana mu minsi ishize.
Igihe Grande yamaze i Londres akina firme “Wicked” gitungwa agatoki nk'impamvu nyamukuru yo gusenyuka k’umubano wa Gomez na Ariana Grande.
