Icyamamare mu muziki wa Nigeria Paul Okoye uzwi cyane ku izina rya Rudeboy akaba n'umwe mu bari bagize itsinda rya P-Square ryaciye ibintu mu gihugu cya Nigeria mu myaka yashize, yahishuye ko kongera gukora ubukwe bishoboka cyane.
Ibi yabitangaje nyuma y'uko ku mbuga nkoranyambaga abafana be bakomeje kumugira iciro ry'imigani ko yatandukanye n'umugore we Anita Okoye none akaba yaranze kongera gukora ubukwe n'umukunzi we mushya Ivy Ifeoma.
Nyamara rero umuririmbyi wa "Reason With Me" ibyo biganiro yabireberaga hafi, dore ko yahise ajya ku ruta rwe Instagram, avuga ko abantu bakwiye kumenya neza ibijya imbere n'umukunzi we Ivy Ifeoma, ashimangira ko nta gitekerezo cyo kongera kuba yakora gatanya nk'uko yabigenje mu myaka yashize, kuko ngo ari ibintu bibi cyane.
Rudeboy w'imyaka 41 y'amavuko, mu Ukuboza 2022, akaba ari bwo yatangaje umukunzi mushya Ivy Ifeoma w'imyaka 22, nyuma y'uko yari amaze gutandukana na Anita Okaye bari barashyingiranwe. Kuri iyi nshuro ubwo yavugaga ko abafana bakwiye kureba ibijya imbere n'umukunzi we, byaciye amarenga ko yaba ari hafi kongera kurongora.
Rudeboy yaciye amarenga yo kongera gukora ubukwe
