Umunyamideli akaba n'umucuruzi, Khloe Kardashian, yirekuye avuga ku ndwara ya cancer, yari imuzahaje mu mwaka ushize.
Uyu mugore abinyujije kuri Instagram yagize ati:"Ku batari bazi ko narimfite ikibazo cya cancer y'uruhu mu isura yanjye," amagambo yaje aherekeza uruhererekane rw'amafoto yashyize kuri uru rubuga ku munsi w'ejo.
Khloe Kardashian yeretse abafana be amafoto ya mbere yuko abagwa na nyuma yaho
Uyu mubyeyi w'imyaka 39, yavuze ko bamubaze amatama none akaba yarahombanye, gusa ngo ntabwo yabitindaho, kuko kugira amatama arimo cancer, birutwa no kuyagira ahombanye ariko ari mazima.
Uyu mugore yashoje ashimira abaganga bamwitayeho kuko bishoboka akaba yarakize iyi cancer, ndetse avuga ko yishimye akaba anashimira Imana ko amatama ye atangiye kugaruka ku murongo.
Khloe Kardashian si ubwa mbere ahura n'ibibazo bya cancer
Si ubwa mbere Khloe Kardashian ahuye n'ibibazo bya cancer, kuko n'ubundi yigeze guhura n'ikibazo cya cancer y'umugongo, ubwo yari afite imyaka 19.
