Tariki ya 03 Ukwakira 2023, nibwo umuraperi Azeez Fashola uzwi mu muzi nka Naira Marley yagejejwe mu maboko ya Polisi yo mu gihugu cya Nigeria mu mugi wa Lagos, kugira ngo ahatwe ibibazo anakorweho iperereza kubyo ashinjwa byo kuba ari we waba wihishe inyuma y'urupfu rw'uwahoze ari umuhanzi Mohbad wari mu nzu ye itunganya umuziki ya Marlian Records.
Nyuma yuko Komanda wa Polisi mu mugi wa Lagos, SP Benjamin Hundeyin ahamije ibyo gutabwa muri yombi k'uyu musore, bahise basaba ko we na mugenzi we Sam Larry bari muri dosiye imwe urukiko rwa kwemeza ko bafungwa iminsi 30 kugira ngo iperereza rikorwe.
Naira Marley yasabiwe gufungwa iminsi 21 y'agateganyo
Nubwo polisi yari yasabye iyi minsi 30, ariko umucamanza Adeola Olatunbosun wo mu gace ka Yaba i Lagos, akaba yavuze ko Naira Marley na Sam Larry bafungwa iminsi 21 aho gufungwa 30. Uyu mucamanza akaba yemeje ko iyo minsi ihagije ku iperereza.
Umuraperi Ilerioluwa Oladimeji Aloba uzwi nka Mohbad, yitabye Imana ku wa 12 Nzeri 2023 ku myaka 27 azize ikintu kitari cyamenyekana kugera magingo aya, gusa bikaba bigaragazwa ko uyu muhanzi ashobora kuba yarishwe, ndetse bamwe bakabigereka kuri Naira Marley wari bosi we mu nzu ye itunganya umuziki ari nacyo gitumye afunze.
