Umuraperi w’Umunyamerika The Game ari hafi gutakaza inzu ye i Calabasas muri California, nyuma yo kunanirwa kwishyura miliyoni 7.1 z’amadorari y’indishyi mu rubanza aregwamo guhohotera Priscilla Rainey mu 2015.
Muri 2016 na 2021 nyuma yuko Rainey atsinze The Game inshuro ebyiri zkurikiranya, Urukiko rwasabye uyu muraperi kwishyura miliyoni 7.1 z’amadolari nk’igihano cy’icyaha cye cy’ihohoterwa rishingiye ku gitsina yakoreye uwo mugore muri 2015, ahi urega yahise asaba kwishyurwa ayo mafaranga murukiko, kugira ngo barangize urwo rubanza rwari rumaze imyaka irenga 5.
Priscilla yatanze ikirego arega The Game mu 2015, kuamurega kumuhohotera kuri tereviziyo. Uyu mugore yavuze ko uyu muraperi yamufashe amabere ndetse akanamukorakora ku bice bye by’ibanga mu kiganiro Live kuri televiziyo, maze yamwinginga ngo amurekure, akamutuka amubwira ngo ceceka.
Nk’uko tubikesha ikinyamakuru All HipHop, umunyamategeko wa Rainey, P. James Rainey, yatangaje uyu mugore yishyuwe ibihumbi 500 gusa muri miliyoni 7.1 yagomba kwishyurwa na The Game.
Ni muri urwo rwego inzu ye iri California ishobora kubigenderamo kugira ngo uyu mugore yishyurwe.
