Mohammed Salah yanditse izina rye mu bitabo by'amateka ya Premier League nyuma yo kuzuriza ibitego icumi mu mukino ikipe ye ya Liverpool FC yatsizemo iyo byari bihanganye ya Bournemouth ibitego 4 kuri 2.
Usibye kuba yabaye uwa mbere ukoze ibi, BBC yatangaje ko Salah yahise anganya n'umunyabigwi w'ikipe ya Manchester United, Andrew Cole, umubare w'ibitego byinshi bigeze kuri 187 batsize muri iyi Shampiyona nyuma ya Alan Shearer watsinze ibitego 260, Harry Kane watsinze 253, na Wayne Rooney watsinze 208.
Uyu mukino wageze muri 1/2 ari ibitego 2 bya Liverpool byatsinzwe na Hugo Ekitike, ku munota wa 37, na Cody Gakpo ku munota wa 49. Ibi bitego byaje kwishyurwa na Antoine Semenyo uko ari 2 ku munota wa 64 n'uwa 76 mu gice cya 2.
Igice cya mbere cy'umukino cyarangiye ari ibitego 2 kuri buri ruhande na Mohammed salah atarabona igitego.
Ku bw'amahirwe make ku ruhande rwa Bournemouth, ntabwo izi kipe zakomeje kunganya kuko ku munota wa 88 Federico Chiesa, winjiye asimbuye, yatsinze igitego cya 3 ku ruhande rwa Liverpool mbere y'uko Mohamed Salah yinjiza icya 4, ari na cyo cya nyuma cyabonetse muri uyu mukino, mu minota 4 y'inyongera nyuma y'uko 90 y'umukino yari yarangiye.
Ikindi wamenya ni uko uyu mukino waranzwe n'irondaruhu ryakozwe n'umwe mu bafana arikorera umwataka w'Umwirabura w'Umunya-Ghana watsindiye ibitego 2 ikipe ya Bournemouth, Antoine Semenyo.
