Uyu musore yatawe muri yombi tariki 23 Nyakanga 2025, ashinjwa ibyaha bitandukanye birimo kwinjira mu nyubako mu buryo butemewe, kwiyitirira abandi, imyitwarire mibi, no kwinjira ahatemewe n’amategeko, nk’uko Polisi ya Tempe yabitangaje mu itangazo ryayo.
Polisi yemeje ko ibyo bikorwa yakoze byo kwikinira (Prank) byangije ndetse binahombya ibigo byagiye bikorerwamo mu bihe bitandukanye.
Heston James n'itsinda rye binjiye mu maduka atandukanye mu mujyi wa Tempe, uri hafi kilometero 18 uvuye i Phoenix muri Leta Zunze Ubumwe za Amerika aho bagendaga bigize abakora muri aya maduka bakinjira n'ahantu batemerewe kwinjira.
Uyu musore yari afite abamukurikira barenga miliyoni 1.6 kuri TikTok, gusa konti ye yahise isibwa mu gihe kuri Instagram akurikirwa na miliyoni 1.2, gusa naho yamaze gusiba ibyo yari yarashyizeho byose asigaho bitatu gusa.
Ku rubuga rwe rwa YouTube yari afite abamukurikira bangana n'ibihumbi 79, gusa nyuma y'uko iyi nkuru itangajwe amaze kugira amarenga ibihumbi 80 .
Ibikorwa byo kwikinira (Pranks) biri mu biri gukorwa na benshi ku mbuga nkoranyambaga
Heston James yari icyamamare ku mbuga nkoranyambaga byumwihariko TikTok
