Tariki ya 15 Nyakanga 2024 Abanyarwanda b'imbere mu gihugu barenga miliyoni 9 nibo bazitabira amatora y'Umukuru w'Igihugu yahujwe n'ay'Abadepite, mu gihe abarenga ibihumbi 6 bo mu Mahanga bazatora ku wa 14 Nyakanga 2024.
Guhera tariki ya 22 Kamena, ibikorwa byo kwiyamamaza ku bakandida bizatangira mu gihugu hose, bigeze ku wa 13 Nyakanga 2024.
Ku bw'ibyo, dore ibikorwa bibujijwe mu gihe cyo kwamamaza no kwiyamamaza, nk'uko bitangazwa na Komisiyo y'Igihugu y'Amatora mu Rwanda.
1. Gukora cyangwa kuvuga icyahungabanya Amahoro, Ubumwe n'umutekano by'Abanyarwanda.
2. Kwiyamamaza mu gihe cyitagenwe n'amategeko n'amabwiriza agenga amatora.
3. Guca, kwanginga, cyangwa gusibanganya ifoto y'umukandida n'ikindi cyose kimwamamaza.
4. Kwiyamamariza abantu hatamenyeshejwe ubuyobozi.
5. Guhamagarira abaturage ikintu icyo ari cyo cyose cyatuma amatora atagenda neza
6. Gukoresha ibiranga undi mukandida.
7. Gukoresha ibiranga Igihugu ku mafoto no kunyandiko byamamaza umukandida.
8. Gukoresha imbuga nkoranyambaga z'inzego za Leta cyangwa iz'ibindi bigo bigamije inyungu rusange.
