Umunyemari Elon Musk, yamaze kugezwa mu nkiko n'uwahoze ari umukunzi we Grimes, amurega kumubuza uburenganzira ku bana batatu babyaranye.
Elon Musk yanze ko Grimes abonana n'umuhungu wabo XÆ A-Xii
Muri iki kirego, uyu muhanzikazi yareze Elon Musk kumuhisha umuhungu wabo w'imyaka itatu, X, mu kwezi gushize.
Iki kirego, Grimes yagitanze tariki 29 z'ukwezi gushize, mu rukiko rwa California. Bivugwa ko yatanze iki kirego, kubera ko we n'uyu mugabo nyiri urubuga rwa X rwahoze rwitwa Twitter batashakanye byemewe n'amategeko, bityo akaba yifuza ko urukiko rugena ugomba gufatwa nk'umubyeyi wemewe n'amategeko.
Grimes yakundanye na Elon Musk muri 2018, baza kugenda bashwana bakongera bagasubirana, kugeza muri Nzeri 2021, ubwo batandukanaga burundu, ku bwumvikane.
Grimes yareze Elon Musk nyuma yo kumwinginga ngo abonane n'abana be akavunira ibiti mu matwi
Uyu muhanzikazi ukomoka muri Canada, yibarutse imfura yabo X Æ A-Xii, muri Gicurasi 2020. Baje kongera kwibaruka undi mwana w'umukobwa Exa Dark Sideræl(Y) mu Kuboza 2021.
Amakuru avuga ko Grimes atifuza kurera abana be cyangwa amafaranga y'indezo, ahubwo arashaka kugira uburenganzira ku bana be, ku buryo yajya abonana na bo uko abyifuza.
