Mu nkuru yasohowe n'ikinyamakuru Billboard ku ya 6 Ukwakira 2023, Mavin Records iri mu nzira zo kwakira abashoramari bifuza kugura imwe mu migabane y'iyi nzu itunganya umuziki, cyangwa bakayigura burundu.
Don Jazzy yashyize ku isoko inzu ye itunganya umuziki"Mavin Records"
Iyi nkuru ikomeza ivuga ko hari benshi bamaze kugaragaza ko bifuza kugura iyi label, barangajwe imbere na Universal Music Group, irimo abahanzi bakomeye nka Jay-Z na Taylor Swift, ndetse na HYBE yo muri South Korea.
Nkuko Billboard ibitangaza, ngo ishoramari n’igurisha ryuzuye bifite agaciro ka miliyoni 125 z'amadolari kandi bishobora kuzamuka kugera kuri miliyoni 150 cyangwa miliyoni 200.
Mavin Records, ibarizwamo abahanzi barimo Ayra Starr, Rema n'abandi
Mavin Records yashinzwe n'umuhanzi wo muri Nigeria Don Jazzy, nyuma yo gusesa indi nzu itunganya umuziki, yitwaga Mohit Records. Mavin Records ibarizwamo abahanzi b'ibikomerezwa muri Nigeria, barangajwe imbere na Wande Coal, Reekado Banks, Korede Bello, Di'ja, Rema, Ayra Starr, Johnny Drille, Ladipoe, Boy Spyce, Bayyani, ndetse na Lifesize Teddy uherutse gusinyishwa.
Don Jazzy avuga ko yifuza amafaranga atari hasi ya miliyoni 125 z'amadorari
Amakuru yo kugurisha iyi label hari abo atatunguye, kuko uyu mugabo yari aherutse gutangaza ko ashobora kugurisha iyi label igihe cyose haboneka umuha agatubutse. Icyakora, yavuze ko yayigurisha yagira, agomba kuguma ari umwe mu bayobozi bayo.
