Ancelotti usanzwe ari umutoza mukuru w’ikipe y’igihugu ya Brazil, yavuze ko yoherereje ubutumwa Valverde nyuma yo gutsinda ibitego bitatu mu mukino wa UEFA Champions League bahuyemo na Manchester City mu cyumweru gishize amubwira ko igisigaye ari uko yaba afite pasiporo ya Brazil.
Mu kiganiro yahaye Marca, Ancelotti yagize ati: “Noherereje ubutumwa Fede Valverde… ndamubwira nti 'birababaje ko udafite pasiporo ya Brazil.”
Yahishuye ko kera yari yaragiranye isezerano na Valverde ry’ibitego yagombaga gutsinda mu mwaka umwe w’imikino, byagombaga gutuma batamwirukana.
Ancelotti yatoje Valverde mu gihe yari akiri umutoza wa Real Madrid, aho uyu mukinnyi w’Umunya-Irigue yakomeje kwigaragaza nk’umwe mu bakinnyi ngenderwaho b’iyi kipe na nyuma y’uko Ancelotti avuye muri iyi kipe.
Kuri ubu, Valverde aritegura gufasha Real Madrid mu mukino wo kwishyura wa 1/8 cya Champions League bazahuramo na Manchester City, aho azaba ashaka kongera kwitwara neza no gufasha ikipe ye gutsinda uyu mukino.
Umwanditsi: NIYOMUKIZA Gratien
