Perezida wa Real Madrid Florentino Perez yemeza ko iyo rutahizamu Erling Haaland ajya muri Real Madrid atari kubona umwanya wo kubanza mu kibuga, dore ko hari umufaransa Karim Benzema.
Erling Haaland yari umukinnyi wifuzwa n'amakipe akomeye atandukanye harimo na Real Madrid, ndetse Perez yari ku gitutu cy'abafana b'iyi kipe kuko adaherutse kugura umukinnyi w'izina rinini nk'uko yabibamenyereje.
Haaland yasinyiye Manchester City(Image:Global Times)
Gusa ku ruhande rwa Perez we asanga igurwa rya Erling Haaland muri Real Madrid ritari ngombwa kuko atari kubona umwanya wo kubanza mu kibuga mu gihe hari Karim Benzema.
Perez yabwiye El Chiringuito ati:"Dufite Benzema, ubwo rero ntabwo byashobokaga ko tumutunga na Benzema. Ntabwo twasinyisha Haaland ngo yicare ku gatebe(bench). Haaland ni umukinnyi mwiza cyane."
Karim Benzema yagize umwaka w'imikino udasanzwe kurenza indi yagize, aho yatsinze ibitego 44 harimo 15 byo muri UEFA Champions league.
