Ibi bishingiye ku ntambara n'amakimbirane ari hagati y'igihugu cy'Uburusiya na Ukraine, amakimbirane y'igihe kirekire yatangiye 2014, 2018 akomera muri Gashyantare 2022.
Uyu myugariro wa A.F.C. Bournemouth yo mu Bwongereza , ni umwe mu bakinnyi bari kwitwara neza byatumye Paris Saint Germain imutekerezaho kugira ngo aze gufatanya n'abarimo Marquinhos, Willian Pacho ariko mu byo yasabye ni ukubanza bakarekura umuzamu wabo wa kabiri ukomoka mu gihugu cy'Uburusiya.
Kugeza ubu ntabwo Paris Saint Germain irasinyisha uyu musore, ndetse yagiye gukina imikino y'ikombe cy'Isi cy'Amakipe ijyanye n'uyu muzamu ukomoka mu Burusiya akaba umuzamu wa kabiri wayo nyuma ya Gianluigi Donnarumma.
Ni mu gihe isoko ry'igura n'igurisha ry'abakinnyi i Burayi rizongera gufungura tariki 16 Kamena kugera tariki 01 Ukwakira 2025, nyuma y'igihe gito ryari ryafunguwe ku makipe azakina igikombe cy'Isi cy'Amakipe kuva tariki 01 Kamena kugera tariki 10 Kamena 2025, hahanzwe amaso niba Paris Saint Germain izasinyisha uyu myugariro bakubahiriza nibyo abasaba.
Illia Borysovych Zabarnyi, amaze gukinira ikipe y'igihugu ya Ukraine imikino 48 kuva yatangira kuyikinira mu 2020, mu gihe Matvey Safonov we amaze gukinira Uburusiya imikino 15, cyane ko iki gihugu cyahagaritswe muri ruhago kuva cyashoza intambara yeruye kuri Ukraine.
Illia Zabarnyi yasabye PSG kwirukana umuzamu Matvey Safonov
Matvey Safonov umuzamu wa kabiri wa PSG ukomoka mu Burusiya
