Uyu muhanzi wamamaye mu ndirimbo “Who’s Your Guy” yabitangarije mu butumwa yanyujije ku rukuta rwe rwa Instagram ku wa 11 Kanama 2025. Yshimiye Davido ku bukwe bwiza yakoreye i Miami ndetse anavugamo ko bamenyanye bakaba inshuti magara mbere y'ubwamamare bwa Davido.
Ati: "Ntabwo mfite inshuti nyinshi muri uru ruganda ariko Davido yakomeje kunyomaho mbere y'ubwamamare [bwe]. Mu by'ukuri ukwiriye ibihebuje nshuti. Nabaye umunyamahirwe kuko nakubaye hafi mu ntangiriro z'iyi nkuru y'urukundo".
Spyro avuga ko azi kandi yari ari hafi mu ntangiriro z'inkuru y'urukundo rwa Davido na Chioma.
Spyro yakomeje avuga ko hari ijoro rimwe yari afite igitaramo agomba kuririmbamo muri Hard Rock Café abanza kunyura kuri Davido maze asanga ari kumwe na Chioma muri 2018. Ngo icyo gihe yasanze Davido yari yarashyize amafoto menshi ya Chioma ku nkuta z'inzu yabagamo imbere ari na bwo bwa mbere yari abonye Chioma.
Ati: "Imana izabagumanishirize hamwe mu izina rya Yesu, umwanzi ntazabyivangemo. Ndagukunda nshuti yange kandi nshimye ko uri wowe.
Ubu butumwa Spyro yabuhererekesheje amashusho y'icyo gihe muri 2018 ubwo aba bombi bahuraga.
Ubu bukwe bw'abambaye imyeru bwari bifite izina rya #Chivido25 bwahonzweho asatira Milliyoni 4 z'Amadolari ya Amerika. Ni ubukwe kandi bwari bwari bwiganjemo ab'amazina aremereye muri Afurika mu bisata by'imyidagaduro, politiki, n'ubushabitsi n'ibindi.
