Umuhaazkazi Shakira, yajyanwe mu nkiko ku nshuro ya kabiri, aregwa kunyereza imisoro muri Spain.
Nkuko ikinyamakuru El Mundo kibitangaza, ubushinjacyaha burega Shakira kunyereza imisoro ingana n'akayabo ka miliyoni 7.1 z'amadorari, ni ukuvuga arenga gato miliyari zirindwi z'amanyarwanda, yanyereje mu mwaka wa 2018.
Shakira yongeye kuregwa kunyereza imisoro
Muri iki kirego cyatanzwe ku munsi w'ejo, kivuga ko Shakira yanze kugaragaza neza ibyo yinjije, ahubwo akazamura agaciro k'ibyo yasohoye, mu rwego rwo kigabanya umubare w'amafaranga yagombaga kwishyura mu kigo gishinzwe kwakira imisoro
Iki kirego kije mu gihe haburaga amezi abiri gusa kugira ngo Shakira aburanire muri Spain, n'ubundi ku birego bijyanye no kunyereza imisoro ingana n'akayabo ka miliyoni 15.4 z'amadorari, hagati ya 2012 na 2014.
Biba inshuro ya kabiri, Shakira aregwa kunyereza imisoro muri Spain
Muri uru rubanza rugomba kuba mu Gushyingo, ubushinjacyaha bushinja uyu mugore kumara imyaka ibiri ku butaka bwa Spain nta musoro n'umwe atanze, mu gihe Shakira we atabikozwa avuga ko icyo gihe atabarwaga nk'umuturage wa Spain, kuko yari akibarizwa muri Bahamas.
