Boateng w'imyaka 34 y'amavuko yatawe muri yombi ku wa 14 Gashyantare mu mwaka ushize wa 2024, ubwo abapolisi bamufatanaga ibiro 19.7 by'ubwoko bwa A bw'iki kiyobyabwenge cy'itabi ryari riri mu gakapu ka siporo. Yafatiwe i Bromley muri Croydon aho yabaga n'umugore ndetse n'umwana 1 wabo.
Boateng yemeye icyaha mu rukiko rwa Croydon Crown muri Nzeri ya 2024. Umucamanza, Daniel Flahive yavuze ko Boateng yagize uruhare runini mu gushinga itsinda ry'abagizi ba nabi nk'uko ikinyamakuru The Sun kibitangaza.
Uru rukiko ngo rwasanze iyi Cocaine ifite agaciro k'amafaranga ari hagati y'Amayero ibihumbi 200 na 400 ariko ngo bitewe n'aho yacururijwe ikaba yageza kuri Milliyoni 2.36 z'Amayero. Amashusho ya kamera za CCTV yagaragaje Boateng asohora ako gakapu iwe mu rugo inshuro zigeze muri 7 mbere y'uko abapolisi bamufata.
Umugore we, bafitanye umwana w'umwaka n'igice, yababajwe cyane n'uyu mwanzuro w'urukiko ubwo wasomwaga.
Urukiko Kandi rwamenye ko Boateng yanabitozaga abandi bantu ku giti cyabo hagati ya 2018 na 2023. Muri abo harimo na Jadon Sancho, umukinnyi w'umupira w'amaguru w'umwongereza.
Ibyaha si ubwa mbere Boateng abishinjwe mu mateka kuko muri 2014 yafunzwe hafi umwaka n'igice mu buroko azira iby'imikino y'amahurwe, ibyahise bimwirukanisha mu mwuga we wo gukina umupira w'amaguru.
Muri 2015, yongeye gufungwa azira gucuruza ibiyobyabwenge.
Umwuga we watangiriye mu ikipe y'abana ya Crystal Palace hagati ya 2005 na 2007. Yaje kuzamurira izina muri Tonbridge Angels muri 2011 ku nguzanyo ya Bristol Rovers, nyuma aza no gukinira andi makipe ari yo Sutton United, Bromley, Newport County na Whitehawk.
Boateng aherutse kugaraga mu kiganiro "Banged Up" avuga ku buzima bwe bwite ndetse anahishura ko atifuza kongera gukosa.
Michael Boateng yakatiwe igifungo k'imyaka 14 azira gufatanwa urumogi
