Rukomeje kwabikana mu burasirazuba bwa Repubulika Iharanira Demokarasi ya Congo hagati y'Ingabo z'iki gihugu FARDC n'umutwe witwaje intwaro wa M23 mu mirwano ikomeje kuramba muri Kivu n'Amajyaruguru. Kuri uyu wa Gatatu imirwano ikomeye yaramukiye muri Bihambwe.
Agace ka Bihambwe, ka kaba gaherereye ku muhanda munini ugana ku Murwa Mukuru wa Teritwari ya Masisi mu bitelometero bitandatu uvuye mu mugi wa Rubaya. Muri iki gice, ni ubwa mbere imirwano ibereyemo.
Amakuru avuga ko iyo mirwano yahuje impande zombi, birangira ingabo z'u Burundi zirwana ku ruhande rwa Leta ya DR-Congo ari nazo zari zikambitse muri ako gace zihatsitsuwe. Biremezwa ko imirwano yimukiye mu gace ka Rubaya magingo aya.
Ku rundi ruhande, kuri uyu wa Kabiri Radiyo Okapi ikorera muri DRC, yatangaje ko M23 yarashe ibisasu mu birindiro bya FARDC, ibya MONUSCO, ndetse nibya SADC biherereye i Sake na Goma.
