Uyu munyamideri w’imyaka isaga 28 y’amavuko yasangije amashusho menshi abamukurikirana kuri Instagram agaragaza ubwiza bw’iyi mbwa yatangiye gutunga akiri umwana w'umwangavu ubwo yari agifite imyaka 17 y’amavuko. Uyu mugore w’abana babiri yagaragaje ko yishimiye iyi mbwa yujuje imyaka 12 yose aho ku isabukuru yayo yagize ati: “Norman yange yujuje imyaka 12 y’amavuko.”
Muri aya mashusho harimo n’ayagaragazaga uyu mugore afashe iyi mbwa mu biganza ubwo iyi mbwa yari ikiri ikibwana gito cyane agaragazako ubungubu imaze gukura kandi yabaye nziza kurushaho. Avuga ku mubano wimbitse afitanye n’iyi mbwa, yagize ati: “Nayigize mfite imyaka 17 y’amavuko.”
Jenner uzwi cyane mu kiganiro ‘Keeping Up with the Kardashians’ yerekanye bwa mbere ku mugaragaro iyi mbwa yitwa Norman mu mwaka wa 2014 avuga ko yamaze kuzana imbwa mu nk’itungo ryo mu rugo. Ibi byari bije nyuma y’imyaka ibiri yari ishize atangarije kuri X, yari Twitter icyo gihe, ko yashaakaga imbwa ikomoka mu Butaliyani ndetse yari aniteguye guhita ayita izina.
