Abakinnyi b'ikipe y'igihugu ya Guinea Conakry bari mu Rwanda aho bakomeje kwitegura imikino y'igikombe cya Afurika gisigaje iminsi mike ngo itangire muri Cameroon.
Ni muri urwo rwego iyi kipe y'igihugu yifuje gukina n'ikipe y'igihugu y'u Rwanda Amavubi imikino ibiri ya gicuti mu rwego rwo kwitegura neza iyo mikino y'igikombe cya Afurika.
Abakinnyi b'Amavubi babanjemo ni Hakizimana Adolphe, Serumogo Ali, Usengimana Faustin, Niyigena Clement, Niyomugabo Claude, Ruboneka jean Bosco, Muhire Kevin, Byiringiro Lague, Hakizimana Muhadjir, Usengimana Danny na Mugunga Yves.
Naho ku ruhande rwa Syli National ya Guinea Conakry hari habanjemo Ibrahima Kone, Mohamed Camara, Ousmane Kante, Ibrahima Conte, Issiaga Sylla, Mamadou Kane, Amadou Diawara, Moriba Kourouba, Aguibou Camara, Sory Kaba na Mohamed Bayo.
Uyu mukino wa mbere waberaga kuri Stade Amahoro urangiye Amavubi atsinze ndetse atsindagira Syli National ya Guinea Conakry.
Ni ibirori byatangiye ku munota wa 23' ubwo Hakizimana Muhadjir nyuma y'amakosa yari abayeho mu bwugarizi bw'iyi Syli National ya Guinea Conakry.
Igice cya mbere cyarangiye ari igitego kimwe cy'Amavubi ku busa bwa Syli National. Mu gice cya kabiri, ku munota wa 47' nibwo Usengimana Danny yatsinze igitego cya kabiri cy'Amavubi ku ishoti rikomeye yarekuye mu izamu.
Muhozi Fred wari winjiye mu kibuga asimbuye nawe yaje kubonera Amavubi igitego cya gatatu maze abakinnyi b'Amavubi bakomeza kubyina intsinzi.
Ni umukino wigaragajemo abakinnyi bashya mu ikipe y'igihugu Amavubi aho twavuga nk'umuzamu Hakizimana Adolphe wagiriwe ikizere cyo kubanza mu kibuga.
Ku rundi ruhande abanyarwanda bari bategereje kureba Naby Keita ukinira ikipe ya Liverpool ariko kuko aribwo akigera mu Rwanda ntiyagaragaye, ahubwo ashobora kugaragara ku mukino wa kabiri.
Umukino wa kabiri wa gicuri hagayi y'u Rwanda na Guinea uteganyijwe tariki 06 Mutarama 2022, ubundi Guinea ikabona kwerekeza muri Cameroon dore ko igikombe cya Afurika kizatangira ku itatiki 09 Mutarama 2022.
Abakinnyi Amavubi yabanje mu kibuga
Abakinnyi Guinea Conakry yabanje mu kibuga
Amavubi yatsinze Guinea
