Mu minsi ishize nibwo hatangajwe amakuru yemezaga ko uyu mutoza uheruka gutoza Barcelona, yaba ari mu mubare w'abasabye akazi mu ikipe y'igihugu y'u Buhinde.
Izo nkuru zavugaga ko atagahawe kubera umushahara uhanitse yasabaga, gusa amakuru yatangajwe n'umunyamakuru Fabrizio Romano ni uko uyu mugabo nta mugambi yigeze agira wo kwerekeza mu Buhinde ahubwo ashaka gutoza amakipe ari mu y'akomeye i Burayi.
Xavier Hernández Creus yatangiye umwuga wo gutoza nyuma yo kugira ibihe bidasanzwe byo guconga ruhago mu ikipe ya Barcelona yaje gusohokamo mu mwaka 2015, aza kuyigarukamo nk'umutoza mu 2021.
Umwuga we wo gutoza yawutangiriye mu ikipe ya Al Sadd SC yo muri Qatar yigeze no gukinira igihe yavaga muri Barcelona, aho yayikiniye imikino 82 atsinda ibitego 20 mu myaka ine yayikiniye.
Ubwo yatozaga Barcelona, yatwaye igikombe cya shampiyona kimwe ndetse yegukana n'igikombe kiruta ibindi muri Esipanye (Supercopa de España), gusa aza gutandukana nayo kubera ibyo batumvikanyeho bijyanye no kumugurira abakinnyi yifuzaga.
Xavier Hernández ni umwe mu bakinnyi b'ibihe byose ba Barcelona ndetse no muri ruhago muri rusange
Xavier Hernández nk'umutoza wa Barcelona yatwaye shampiyona
