Kuri iki Cyumweru nibwo kuri Emirates Stadium ikipe ya Arsenal yari yakiriye mukeba wayo Tottenham, umwe mu mikino abakunzi ba Arsenal baba bategereje kurusha indi mu mwaka w'imikino.
Declan Rice umaze igihe ameze neza cyane muri iyi kipe yakinnye igice cya mbere gusa muri uyu mukino, igice cya kabiri kigitangira asimbuzwa Jorginho bituma abenshi batekereza ko uyu musore w'umwongereza yavunitse.
Amakuru dukesha Sky Sports aravuga ko uyu musore ashobora kuba yasabwe gukurwa mu kibuga hakiri kare kubera ikibazo cy'impfundiko, akaba yari agifite no mu mikino yo gutegura umwaka w'imikino(Pre-season).
Itsinda ry'abaganga ba Arsenal ntabwo riragira icyo ritangaza kuri iki kibazo cya Declan Rice, mu gihe iyi kipe iri kwitegura imwe mu mikino ikomeye itifuza gukina idafite uyu musore.
Arsenal iri kwitegura umukino wa Brentford muri Carabao Cup, mbere yo gukina na Lens muri UEFA Champions League, mbere y'umukino wa shampiyona izakina ndetse na Manchester City.
Declan Rice yavuye mu kibuga hakiri kare
