Bruno Fernandes ni we wigaragaje cyane muri uwo mukino, aho yatsinze ibitego byombi byafashije Amashitani atukura (Manchester United) kwegukana intsinzi.
Uyu mukino wari mu irushanwa rya Premier League Summer Series, rihuza amakipe ane yo mu cyiciro cya mbere mu Bwongereza arimo Manchester United, West Ham United, Everton na Bournemouth. Muri uwo mukino wa mbere, Bournemouth nayo yari yitwaye neza itsinda Everton ibitego 3-0.
Uretse intsinzi ya United, ikindi kidasanzwe cyaranze uwo mukino ni umubare munini w’abafana bawitabiriye. Abafana 82,566 ni bo binjiye muri sitade ya MetLife bareba umukino, baruta 81,118 barebye umukino wa nyuma wa Club World Cup 2025 wabereye kuri iyo stade ugahuza Chelsea na Paris Saint-Germain ku ya 13 Nyakanga 2025.
Ibi byerekanye uburyo Manchester United ikiri ikipe ikundwa cyane n’abafana ku rwego mpuzamahanga, ndetse n'uburyo umupira w’amaguru w’U Bwongereza ukomeje gukundwa cyane muri Leta Zunze Ubumwe za Amerika.
Ibitego 2 bya Bruno Fernandes ni byo byahaye intsinzi Manchester United
Matheus Cunha ni umwe mu bakinnyi bitwaye neza cyane
