Faiq Jefri Bolkiah yavukiye muri Leta Zunze Ubumwe za Amerika mu gace ka Los Angeles, gusa afite inkomoko mu gihugu cya Brunei ndetse akinira ikipe y'iki gihugu.
Yatangiye gukina umupira w'amaguru mu makipe y'abakiri bato ya A.F.C. Newbury akomereza mu ikipe ya Southampton, Chelsea na Leicester City F.C.
Mu byumvikana yagize amahirwe yo gukina mu makipe y'abato meza, gusa ntiyigeze akina mu makipe akomeye i Burayi, kugeza ubu ari gukina mu ikipe ya Ratchaburi F.C ikina icyiciro cya mbere muri Thailand.
Umutungo we ukomoka he?
Abakinnyi nubwo tubabona bakina bashobora no kugira n'ibindi bakora kandi bibanjiriza agatubutse cyangwa n'ubundi buryo babonamo amafaranga bitanyuze muri ruhago, nka Cristiano Ronaldo yashoye mu mahoteli ndetse n'ibijyanye n'ubwiza mu gihe Lionnel Messi we aherutse gutangiza uruganda rukora imivinyo.
Faiq Bolkiah amafaranga ye atunze angana na miliyari $20, menshi muri yo yayakuye mu byo yarazwe n'iwabo, akaba avuka mu muryango wa cyami ufite agatubutse muri Brunei .
Mu bandi bakinnyi ba ruhago bafite agatubutse ku isi harimo Cristiano Ronaldo ($800m), Lionnel Messi ($650m), David Beckham ($450m), Neymar Jr ($250m), Dave Whelan ($450m) ndetse n'abandi.
Faiq Jefri Bolkiah yakiniye amakipe yo mu gihugu cy'Ubwongereza
Faiq Jefri Bolkiah afite agatubutse kurusha Cristiano Ronaldo na Lionnel Messi
