Ikinyamakuru cyo mu Burusiya cyitwa RIA Novosti cyatangaje ko Minisiteri y'Ingabo mu Burusiya yatangaje ko ingabo za Ukraine zatangiye kurasisha misile zirasa mu ntera ya kure bahawe n'Abanyamerika.
Izi ni misile za ATACMS zagizwe indahiro zikagirwa na nyirantarengwa ku Burusiya kubera ubukana bw'isenya zifite.
Leta Zunze Ubumwe z'Amerika zabanje kwanga ko Ukraine izirashisha imbere mu Burusiya, ariko bakaba baheruka kubibemerera.
U Burusiya bwatangaje ko Ukraine yarashe izi misile Esheshatu mu ntara ya Bryansk ariko Eshanu muri zo zisenyerwa mu kirere, aho imwe ari yo yageze ku butaka, ariko ikaba nta byinshi yangije.
Perezida wa Ukraine Volodymyr Zelenskyy, kuri uyu wa Kabiri ubwo yari imbere y'Inteko Ishinga amategeko y'Igihugu cye, yavuze ko intego bafite ari iyo gusenya ububiko bw'intwaro z'u Burusiya imbere ku butakaba bwabo.
Kuri uyu wa 19 Ugushyingo, hashize iminsi 1000 u Burusiya butangije icyo bise ibitero bidasanzwe bya gisirkare kuri Ukraine.
Magingo aya, bamaze kwigarurira ubutaka bungana hafi na 20% ndetse kuri ubu Donald Trump ari gukora ibishoboka ngo ahoshe iyi ntambara nk'uko yabyiyemeje.
