Cristiano Ronaldo wakiniye amakipe atandukanye nka Manchester United, Real Madrid na Sporting CP, ubu ari mu ikipe ya Al-Nassr FC aho ahembwa akayabo k'amafaranga biri mu byatumbaje umutungo we uzamuka.
Amasezerano y'imyaka ibiri yasinye muri Kamena 2025, akubiyemo ko azajya ahembwa miliyoni $104 ku mwaka, bisobanuye ko muri iyo myaka ibiri azinjiza arengaho gato miliyoni 200 z'Amadorali hatabariwemo ay'inyongera.
Muri Kamena 2020, Cristiano Ronaldo yatangajwe ko yujuje miliyari y'amadorari ariko hakuwemo imisoro ndetse nayo yashoyemo imari. Ibi bisobanuye ko icyo gihe nta mutungo uhamye (Net worth) ungana na miliyari y'amadorari yari atunze.
Kuri ubu Faiq Jefri Bolkiah w'imyaka 27 y'amavuko, akaba umusore ukomoka mu muryango w'ibwami muri Brunei, niwe mukinnyi utunze agatubutse kuruta abandi bose ku Isi na miliyari 20 z'amadorali, akaba akinira ikipe ya Ratchaburi F.C yo muri Tayilande ndetse n'ikipe y'igihugu ya Brunei.
Dore urutonde rw'abakinnyi 10 b'umupira w'amaguru bafite agatubutse ku Isi:
1.Faiq Jefri Bolkiah: miliyari $20
2.Cristiano Ronaldo: miliyari $1
3.Lionnel Messi: miliyoni $850
4.David Beckham: miliyoni $671
5.Neymar Jnr: miliyoni $350
6.Kylian Mbappé: miliyoni $250
7.Dave Whelan: miliyoni $210
8.Karim Benzema: miliyoni $200
9.Zlatan Ibrahimović: miliyoni $190
10.Wayne Rooney: miliyoni $170
Cristiano Ronaldo yakuriye mu buzima butoroshye gusa yavuyemo umugwizatunga
Faiq Jefri Bolkiah niwe mukinnyi w'umupira w'amaguru utunze agatubutse ku Isi
