Ni tombora izabera muri Tanzania ahari no kubera imikino ya nyuma y'igikombe cya Afurika cy'abakina imbere mu bihugu byabo (CHAN 2024), ndetse iki gihugu kizanakira CAN ya 2027 gifatanyije na Kenya na Uganda.
Amakipe atazakina ijonjora ry'ibanze:
CAF Champions League: Al Ahly (Misiri) na Mamelodi Sundowns FC(Afurika y'Epfo)
CAF Confederations Cup: Zamalek(Misiri), Wydad AC(Morocco), USM Alger(Algeria), CR Belouizdad(Algeria), Al Masry(Misiri), Stellenbosch FC(Afurika y'Epfo).
Mu mikino ya Champions League aho APR FC izahagararira u Rwanda, izitabirwa n'amakipe 62. Mu cyiciro cy'ibanze hazagaragaramo amakipe 60, havemo 30 hakomeze andi 30 azasanga abiri atazakina imikino y'ibanze abe 32, hanyuma hakinwe icyiciro cya kabiri aho izakirenga izahita ijya mu matsinda.
Muri CAF Confederations Cup aho Rayon Sports izahagararira u Rwanda, hazahatana amakipe 58 havanwemo atandatu atazakina icyiciro cy'ibanze hasigare 52 azahure hagati yayo azabasha gukomeza (azaba ari amakipe 26) azasanga atandatu abe 32 bakina icyiciro cya kabiri cy'iyi mikino, izakomeza izage mu matsinda.
Imikino yo gushaka itike yo gukina amatsinda haba muri CAF Champions League na Confederations Cup izatangira tariki 17 Nzeri 2025, irangire 17 Ukwakira 2025. Imikino y'amatsinda yo izatangira tariki 21 Ugushyingo 2025, irangire 13 Werurwe 2026.
Ibindi wamenya ku mikino Nyafurika
Nk'uko bisanzwe hazabaho imikino ibanza n'iyo kwishyura mu byiciro byose.
CAF Champions League y'umwaka ushize w'imikino yatwawe na Pyramids FC itsinze Mamelodi Sundowns.
RSB Berkane n'iyo yatwaye igikombe cya CAF Confederations Cup itsinze Simba SC.
Tombora y'uyu mwaka izabera muri Tanzania, ikazaca kuri Azam Media ndetse n'ibitangazamakuru bya CAF.
Umupira w'amaguru muri Tanzaniya uri gutera imbere cyane ugereranyije n'ahandi muri aka karere
Amafaranga ashorwa muri CAF Champions League na Confederations Cup yarongerewe
