Mu masaha y'igitondo cyo kuri uyu wa Gatatu tariki ya 07 Kamena, nibwo muri Uganda hasakaye inkuru y'akababaro y'uko Umukinnyi wa komedi, Umucuruzi, Umuhanzi ndetse akaba n'Umunyapolitike Kato Lubwama yitabye Imana.
Nk'uko tubikesha daily monitor, urupfu rwa Lubwama rwatangajwe bwa mbere na mugenzi we bafatanya mu bikorwa by'ubucuruzi akanamamaza ibikorwa bye Andrew Mukasa uzwi ku izina rya Bajjo.
Bikaba byatangajwe ko yishwe n'umutima mu bitaro bya Stana Medical Centre i Bunamwaya. Ibi Bajjo akaba yabitangaje mu butumwa yacishije ku mbuga nkoranyambaga.
Kato Lubwama yitabye Imana
Kato akaba yarabaye Umudepite mu Nteko Nshingamatego ya Uganda guhera mu 2016 kugeza mu 2021.
Akaba kandi ku wa 09 Kamena 2017 yarahawe umudari w'ubutwari na Perezida Yoweri Museveni kubera uruhare yagize mu iterambere rya komedi.
Kato Lubwama akaba atabarutse ku myaka 53 asize umugore we Ann Namuwonge ndetse n'abana batandatu.
View this post on Instagram
