Ibi byatewe n'iperereza rigikomeje ku modoka yari atunze y'umuhondo yo mu bwoko bwa Lamborghini Urus yasohotse muri 2019. Iyi modoka yari iherutse gufatwa nk'itonga n'ubuyobozi bw'iki kigo kubera ngo bwasanze ifitanye isano n'ubujura bwo mu rwego rwo hejuru bwakorewe muri Leta Zunze Ubumwe za Amerika.
Economic & Organised Crime Office (EOCO) ni ikigo gikurikirana ibyaha bishingiye ku bukungu ariko kikaba gifite izindi nshingano zirimo no gukurikirana ibitagenze neza ku misoro y'imodoka zihenze z'abanyamuziki.
Inzu ireberera inyungu uyu munyamuziki yatangaje ko Shatta Wale yijyanye ku bushake ku biro by'iki kigo mu mugoroba w'ijoro ryakeye aherekejwe n'umunyamategeko we, Cephas Biyuo, kugira ngo amufashe mu byo abazwa.
Iri ni itangazo ryasohowe n'abareberera inyungu uyu munyamuziki Shatta Wale.
Mu butumwa uyu munyamuziki yasangije abamukirikirana ku wa 17 Kanama 2025 ku rukuta rwe rwa X, yahoze ari Twitter, yavuze ko afite ibyangombwa byose bigaragaza ko iyi modoka ihenze ari iye koko ndetse anakurago ibihuha by'uko ngo iyo modoka yaba yarayibonye mu buryo bw'amanyanga.
Iki kigo kivuga ko Uunyamerika, Nana Kwabena Amuah, ufite inkomoko muri Ghana, ashinjwa uburiganya bwo kwiba Milliyoni nyinshi z'Amadolari ya Amerika yifashishije ubutubuzi bw'inkundo n'ikoranabuhanga ryo kuri email. Iki kigo kandi gikomeza guhamya ko iyi modoka Shatta Wale yita iye ngo yaguzwe muri ubu butubuzi.
Itangazo EOCO yageneye rubanda ryagaragaje ko Shatta azanabazwa mu iperereza rigikomeje kuri Amuah wamaze no gukatirwa amezi 86 yose, imyaka isaga 7, mu gihome kubera ubutubuzi bwa hafi Milliyoni 5 z'Amadolari ya Amerika.
Iri ni itangazo EOCO yageneye rubanda.
Ku rundi ruhande, Shatta Wale na we ahakana ibyo yivuye inyuma avuga ko atigeze abyijandikamo. Yasobanuye ko yaguze iyo modoka amafaranga ibihumbi 150 by'Amadorali ya Amerika mu buryo bwemewe n'amategeko kandi ko nta mubano usanzwe cyangwa uwo mu bushabitsi agirana na Amuah ushinjwa iby'ubwo butubuzi.
Kugeza uyu munsi, ubu hategerejwe imyanzuro iza kuva mu byo Shatta Wale aza kubazwa hakanzurwa nimba imodoka ye iza kurekurwa cyangwa kugumanwa.
