Amakipe atandukanye muri shampiyona y'ikiciro cya mbere mu Rwanda akomeje gushaka intwaro impande zose zizayafasha kwitwara neza mu mwaka utaha w'imikino, by'umwihariko amakipe azahararira u Rwanda mu marushanwa nyafurika.
Ikipe ya Rayon Sports nayo imaze iminsi ivugwamo amazina atandukanye harimo n'umurundi Aruna Mussa Madjaliwa wabiciye bigacika muri shampiyona y'ikiciro cya mbere mu Burundi.
Mu gitondo cyo kuri uyu wa Gatanu nibwo abafana ba Murera bakiriye inkuru nziza ko uyu Aruna Mussa Madjaliwa yatsinze ikizamini cy'ubuzima, akaba ari umukinnyi mushya w'ikipe ya Rayon Sports.
Uyu musore ukina hagati mu kibuga ni umwe mu bitezweho gufasha ikipe ya Rayon Sports mu Mwaka w'imikino 2023/2024, dore ko iyi kipe yambara ubururu n'umweru ikunze guhirwa cyane n'abakinnyi b'abarundi.
Madjaliwa yerekanwe muri Rayon Sports
