Pete Davidson agomba gutanga ibisobanuro imbere y'amategeko mu mezi make ari imbere nyuma yuko imodoka ye igonze inzu.
Nta muntu wakomerekeye muri iyi mpanuka yabaye mu kwezi gushize. Yari atwaye imodoka anyura muri Beverley Hills ari kumwe n’umukunzi we, Chase Sui Wonders, ubwo yananirwaga gukomeza kuyobora imodoka ye yo mubwoko bwa Mercedes, maze akinjira mu busitani bw’umuntu aho yanagonze ifarashi.
Bivugwa ko Pete Davidson yakoze impanuka kubera ubusinzi[Getty Images]
Ibiyobyabwenge n’inzoga byahise bitangwa nk’impamvu zatumye agongesha imodoka, ariko binavugwa ko yari atwaye ku muvuduko mwinshi.
Ishami rya polisi rya Beverley Hills ryarangije iperereza ryabo kuri iki kibazo maze urubanza rwoherezwa mu biro by’ubushinjacyaha bwa Los Angeles. Aho niho hazafatwa icyemezo cyo kumenya niba azaryozwa cyangwa ntaryozwe iyi mpanuka.
Birasa nkaho bishoboka cyane ko azacibwa akayabo kubera gutwara nabi. Ari amahirwe ye, ni uko nta muntu wakomerekeye mu byabaye.
Impanuka yari imeze nk’umutingito
Umukobwa w’imyaka 16 ni we wari mu rugo wenyine imbere mu nzu Davidson yagonze kandi icyo gihe yari arimo gusoma igitabo.
Birashoboka ko Pete Davidson azishyuzwa ibyangiritse gusa[Getty Images]
Imodoka yagonze inzu hanze y’icyumba. Se w’umukobwa asobanura ko nubwo umukobwa we atakomeretse, ariko yahahamutse kubera urusaku n’ingaruka.
Papa yasobanuye kandi ko nta gahunda afite yo kurega Davidson kubera iyi mpanuka, bivuze ko nta rubanza urwo ari rwo rwose ruzaba. Birumvikana ko Davidson ashobora kuzishyura ubwishingizi bukenewe kugira ngo asane ibyangiritse.
