Umuyobozi wa Tottenham Daniel Levy yabwiwe ko abaherwe ba Tottenham batazemera ko Harry Kane asoza amasezerano ye muri iyi kipe ngo azagende nta mafaranga bamukuyemo.
Biravugwa ko umuherwe wa Tottenham, umwongereza Joe Lewis, yabwiye Daniel Levy ko agomba kongerera amasezerano Harry Kane cyangwa akamugirisha mu kwirinda ko mu mpeshyi itaha yasoza amaseserano akagendera ubuntu.
Harry Kane uruzuza imyaka 30 mu cyumweru gitaha yifujwe bikomeye n'ikipe ya Manchester United, ariko nyuma yo kubona ko bigoye imuvaho yerekeza kuri Rasmus Hoglund ukinira ikipe ya Atalanta.
N'ubwo bivugwa ko Manchester United yaba itaramuvuyeho burundu ariko, ikipe ya Bayern Munich niyo yagaragaje ubushake bwinshi bwo kuba yasinyisha uyu rutahizamu w'umwongereza, dore ko yanatanze miliyoni 65 z'amapawundi n'ubwo Tottenham yayanze.
Ku ruhande rw'umukinnyi kandi, Harry Kane yifuza kuba yakwerekeza mu ikipe ya Bayern Munich nyuma yo kubona ko bigoye ko Tottenham yamugurisha mu ikipe yo muri Premier League.
Harry Kane arafatirwa umwanzuro muri iyi mpeshyi(Image:Getty)
