Mu muco gakondo wo mu Buyapani, bisanzwe bizwi ko umugabo ari we ukora akazi k'amafaranga, umugore akaba ari we ushinzwe kuyagena no kuyacunga mu rugo.
Ni uburyo bw’imicungire y’umutungo hagati y'abashakanye mu Buyapani bugaragaza ishingiro ry’ubwizigame, icyizere, n’uruhare ruhamye rw’abagore mu micungire y’urugo.
Ubushakashatsi butandukanye bwakozwe n’ibigo nka Shiruporuto (Ikigo cy’Igihugu gishinzwe gutanga amakuru y’ubumenyi ku bijyanye n’imari) bwerekana ko iyi ngeso igihari cyane muri sosiyete y’Abayapani.
Muri ubu buryo, umugabo akenshi aha umugore we umushahara we wose, undi akawucunga, agatanga amafaranga runaka buri kwezi ku mugabo amufasha mu byo yifuza ku giti cye, aya mafaranga yiswe “okozukai” (bivuga “pocketmoney” cyangwa "amafaranga yo kwigurira udukoresho".
Bumwe mu bushakashatsi buheruka bwerekanye ko amafaranga abagabo bshabwa ku kwezi yagabanutse ugereranyije n’imyaka yashize, ahanini kubera izamuka ry’ibiciro n’imihindagurikire y’ubukungu.
Nubwo hari impinduka mu miterere y’ingo zigezweho, aho abagore n’abagabo bashobora gusangira inshingano zo gucunga umutungo, iyi gahunda ikomeje kugaragaza umuco w’ubwizigame n’icyizere hagati y’abashakanyemu Buyapani.
