Nyuma ya tombora y'amatsinda ya UEFA Champions League yabereye mu mujyi wa Monaco, hakurikiyeho guhemba abakinnyi n'abatoza bitwaye neza mu mwaka ushize wa 2022/2023.
Igihembo cy'umukinnyi w'umwaka mu bagabo cyari gihataniwe na rutahizamu Erling Haaland, Lionel Messi na Kevin De Bruyne, byarangiye kegukanwe na Erling Haaland.
Uyu musore yafashije Manchester City kwegukana FA Cup, Premier League na Champions League, ndetse hose ayoboye ba rutahizamu.
Ni nako kandi umutoza wa Pep Guardiola wayoboye Manchester City kuri ibyo bikombe byose, yahawe igihembo cy'umutoza w'umwaka ahigitse Luciano Spalletti na Simon Inzaghi.
Umukinnyi w'umwaka mu bagore yabaye umunya-Espagne Aitana Bonmati uherutse gutwarana Igikombe cy'isi na Espagne, mu gihe umutoza yabaye Sarina Wiegman utoza ikipe y'igihugu y'u Bwongereza.
Pep Guardiola niwe wabaye umutoza w'umwaka
Erling Haaland yabaye umukinnyi w'umwaka
