Umudage w'imyaka 26 ukinira Bayern Munich witwa Joshua Kimmich yari yaranze gufata urukingo rwa covid-19 ariko kuri iyi nshuro aravuga ko yicuza.
Ni ibintu byateje impagarara cyane yaba muri ruhago y'abadage ndetse no mu zindi nzego kuko uyu ari umuntu uba afatirwaho urugero n'abantu benshi.
Joshua Kimmich yagiye asiba imikino itandukanye kuko yabaga yabonanye n'abantu banduye covid-19 ariko nawe byarangiye yanduye.
Yakomezaga kubwirwa kwikingiza ariko we akabyanga avuga ko kwikingiza ari amahitamo y'umuntu atari itegeko.
Mu kwa 10,2021 Joshua Kimmich yagize ati:"Birashoboka cyane ko nazakingirwa mu gihe kizaza."Yavugaga ko akurikiza amabwiriza yose yo kwirinda covid-19 ariko ntiyikingize kuko yari afite impungenge ku rukingo.
Mu mpera z'ukwezi kwa 11 nibwo Joshua Kimmich nawe yanduye covid-19 ndetse ibihaha bye bigira ikibazo ku buryo atazagaruka mu kibuga mbere ya 2022.
Kimmich yatangarije ZDF ati:"Ubundi, kuri nge byari bingoye guhangana n'ubwoba ndetse n'ibyo numvaga, niyo mpamvu byantwaye igihe kinini gufata umwanzuro."
Joshua Kimmich akomeza avuga ko yakabaye yarafashe umwanzuro wo kwikingiza kare ariko akaba atarabikoze.
Joshua Kimmich umudage ukinira Bayern Munich(Image:Sky German)
